Luk 1:61-72

⁶¹Nɛ bi tɔke' wɔ ki ye ba yih aʼden ya nil uba li ya yel-a.

⁶²Nɛ bi niire' kiʼbaa migbaam ki ye u yíe wɔ ń yin uʼbuk li lɛ yel ba?

⁶³Nɛ u wuɔn' bɛ ki ye bɛ ń de wɔ kudɔbipɛnpɛnku kuba wɔ ń kɛle kuʼbo. Bi de' wɔ, nɛ u kɛle' ki ye: «kiʼyel si San» nɛ. Nɛ nì cuo' biʼkɛ miyɔkm.

⁶⁴I ya tàan bo nɛ Sakari ya lɛnl tɛbre', nɛ u cin' ki lienh, ki pɛ̀keh Uwien.

⁶⁵Nɛn saan nɛ bujɛwaanbu cuo' binib bà kɛ kɔ ka fɔke nin niʼsaan nnɔ. Sude ya tinfɛnm ya du yà kɛ te ijuɔn bó nnɔ ya nib lienh tigbɛr nnɔ.

⁶⁶Tù de' binib bà kɛ cii' tù nnɔ iyɛnmaale. Nɛ bi maaleh biʼyɛnm ni ki teh: «Kibuk kiɛ lá li yé bɛ ya nitunbu sɔ?» Kimɛ Yonbdaan ya tuɔm te kiʼbo.

⁶⁷Nɛn saan nɛ *Mifuoñaanm jiire' ní kibuk nnɔ ya baa Sakari bo ki tì gben', ki cère' u sɔkndeh Uwien ya ñɔbon ki teh:

⁶⁸«Tí pɛ̀ke mɛn Yonbdaan, tinbi Israyɛl yaab ya Wien, kimɛ u baa' uʼnib saan, ki teke' bɛ ki wiɛ',

⁶⁹ki cère' wà li ŋmiɛn tɛ, ñɛn' uʼtonsɔnl *Dafid den, ki ŋmɔbe mituɔm.

⁷⁰U là cère' uʼñɔbonsɔknb len' nɛn nɛ uyo bo.

⁷¹Bi là len' ki ye: ‹Uwien ye u li fie tɛ bà se tiʼbo saan, kí ñɛn tɛ bà kɛ nɛn tɛ ya nuɔ ni.

⁷²U là muɔ' tiʼyaajɛb micɛcɛkm, ki tiɛre' uʼjɔtieku bó.›