Samsi 34:3-20

³Mahudoꞌida Guyau te fadebasae, yo hesana te lau hitin gogo.

⁴E lauꞌuꞌula lau Guyau lisina be ya atahi; yo egu ꞌwasabu mahudoꞌidi yai ya fasagu fahigu.

⁵Salumadi Guyau sa sunumaꞌen bena ya saguhidi, mate nuwadi ti kwade, paꞌana fuya ouꞌouli haba ya sagusaguhidi.

⁶Tau gogo gesagesa te, sa lauꞌuꞌula lau Guyau lisina, be Guyau ya atahi, edi pilipili mahudoꞌidi yai, ya fasagu fahidi.

⁷Salumadi Guyau sa fafadebasae mate Yaubada ena anelu ya bobodiyedi yo heyaya yai ya fafasagufahidi.

⁸Haga au lau dadai, haba ami ita lobahi, Guyau ya loholoho, Tau sunusunumaꞌenna haba nuwadi sa amna.

⁹Umi ena dodoga fafatabudi, Guyau au faꞌatitiyen paꞌana salumadi sa fafaꞌatitiyen ibege ti kuꞌu.

¹⁰Laiyon gonowana adi anꞌan ya ofi be haba sa guliyam, na salumadi Guyau sa sunusunumaꞌen mate, ibege ginauli loholohodi hesa lisina yai ti kuꞌu.

¹¹Nanatugu, au laoma be au ataꞌatahi; Guyau fafaꞌatitina haba E fatalahamiu.

¹²Sai ya fanuha ya miya lofalofa, yo loholoho ya fahoina,

¹³lelona yo sopana bena ya komanidi, tabu i fapaisowa faheyayadi yo tabu i laulau bwalabwala.

¹⁴Heyaheyaya yai bena wa nuwabui, yo bena wa anpate adidili, be miyamiya daudaumwalina wa miyamiyaꞌedi.

¹⁵Guyau tau laulau dudulai ya bobodiyedi, na yena edi tan ya atahiyedi haba ya fasagufahidi;

¹⁶na nenena ya fasana hudoꞌiyen, tau heyaya lisidi yai; yo sa peꞌi, haba ya nuwa fuiyedi.

¹⁷Guyau, tau laulau dudulai edi tan ya atahi. Haba ya saguhidi, edi pilipili mahudoꞌidi yai haba ya fasagu fahidi.

¹⁸Guyau mate fadidi yai, salumadi sa nuwa belubelu ya fasagu fahidi.

¹⁹Tau laulau dudulai, pilipili boludi ya fahoinadi, in moho Guyau ya fasagufahi pilipili lisidi yai.

²⁰Guyau ya ita watan komakomaniꞌi be hige siyadana laꞌi i tapwai.