SALAMO 34:3-20

³Lau ida Iehova baita imodaia, ia ladana baita heatolaia hebou.

⁴Iehova na tahua, bena ia ese e haere henigu; egu gari idoidiai lalodia amo e hamaurigu.

⁵Ia ba haḡerea, bena ba diari; una dainai vairamui na nega ta basie hemarai.

⁶Ina ogoḡami tauna e taitai, bena Iehova ese e kamonai henia, bona ena hekwarahi iboudiai lalodia amo e hamauria.

⁷Iehova ena aneru e taruhamu, ia garina e garimu taudia e ḡeḡedia ahumu, bona e hamauridiamu.

⁸A mamia toho, bena ba diba, Iehova na namo; ia e abidadama heniamu tauna danu e moalemu.

⁹Ena helaḡa taumui e, Iehova garina ba gari, badina be ia garina e garimu taudia na asie dabumu.

¹⁰Leona natudia na e dabumu bona e hitolodiamu; a Iehova e tahuamu taudia na ḡau namona ta ai asie dabumu.

¹¹Memero kekeni e, aoma, lau ba hakala henigu; Iehova imatauraina baina hadibamui.

¹²Tau be daika, mauri urana e uramu, e uramu danu ena mauri dinadia bae hoho, namo baine itaia helaoreana,

¹³Malamu ba naria, basine ere dika, udumu bibinadia danu, koikoi herevadia basie gwaurai.

¹⁴Dika ba rakatania, kara namo ba kara; maino ba tahua, bona ba ḡavaia.

¹⁵Iehova ese kara maoromaoro taudia e haḡerediamu; edia taitai ia ese e hakala henidiamu.

¹⁶Iehova ese kara dika taudia e vaira hua henidiamu; idia ilalo-taodia na tanobada amo e abia ohomu.

¹⁷Kara maoromaoro taudia e boiboimu negadia ai na Iehova ese e kamonaimu, bona edia hekwakwanai iboudiai lalodia amo e hamauridiamu.

¹⁸Iehova na lalo-hisihisi taudia dekedekediai; dara-doko taudia ia ese e hamauridiamu.

¹⁹Kara maoromaoro tauna ena hisihisi na momo, a Iehova ese iboudiai lalodia amo e hamauriamu.

²⁰Ia turiana iboudiai Iehova ese e gimadiamu, ta se kwaidumu.