Sam 95:2-11

²No me mampe winte auwasata no sasantate me wadaposisata.

³Ipawa Iawe God me ipa debamawaida, me ipa warere mukamukaua tawo godiu uduudu aimon.

⁴Tawo bolawa uduudu ipa me mampea doba nuau iane aidantona ita wadi debama odane aidantona me os witape winei.

⁵Owa ipa me mebaa, ipawa me dewasan ita do tawo me dewasan.

⁶Winleno dunentate Iawe God wadaposisata, Iawe God no dewanena danawe iminimba emmisintata.

⁷Me ipa no Godimba, no ipa me apanawaida, oniadewasanede, gamowa rua onianedio wainitana. Ande e me aiawa etanadewaitana!

⁸Me wadiase, “E mai nosinosila sala makowa bedewe bola Meriba ita Masa bedewe wimone nuau anatene badosaiena ruauitana!

⁹Mo ne ginasana emauwoido eweiena, ita mai sumanaintopona, tane rubu osowe ituneiena.

¹⁰Ena 40 bedewe ne mo mampo nuana kadileno wanase, ‘Apana ema nuau nambeido, ne aiana mai ruawantoipona.’

¹¹Sa baiwa nuana kadileno badowa diamone wanase, ‘Ne bubua bolawa mo baibu imaasanawo mai odapu, dia.’”