Psalms 95:2-11

²Kitail pan kola tuki on i kapin. Kitail en nijinijki on i pjalm!

³Pwe Ieowa Kot lapalap amen, o Nanmarki lapalap amen pon anin kot akan karoj.

⁴Pan jappa mi ni lim a, o pon komon nana me japwilim a.

⁵Madau me japwilim a, pwe i me kotin wiadar, o lim a kan wiadar waja madekon.

⁶Komail kodo, kitail pan kaudok, o dairukedi, o kelepuki mon Ieowa, me kotin wia kitail dar.

⁷Pwe i atail Kot, a kitail aramaj en japwilim a wajan kamana o pwin en lim a. Ran wet, ma komail pan ron kapitie,

⁸Komail der kapitakaila monion omail, duen a wiauier Meripa o ni ran en Maja nan jap tan,

⁹Ni jam omail akan jonejon ia o kajau ia da, pwe re kilaner ai dodok kan.

¹⁰Par paeijok I juede kilar di wet, o I indada: Monion en jon en aramaj duen met kin wukiwuk jili, o re jota men aja duen al ai kan.

¹¹I ap kaula ni ai makar: Irail jota pan konodi ai kamol.