SALMOS 9:7-13

⁷X̱anžo Dios zoakze' to chi'ize. Bkweze' latje blo chie' gan wchi'a ḻaže'e benne' ka'.

⁸Ḻo da' chawe' wchi'a ḻaže'e benne' ka' dot yežlyó, na' benne' yógo'te yež ka' ḻo da' nak ḻi ḻaže'.

⁹X̱anžo Dios nake' ka to gan chejnníta'gak chawe' benne' yache' ka', kate' žin ža che da' wžía yin' benne' wen da' ẕinnj ka'.

¹⁰Benne' ka' zej nónbi'e Le', X̱anto' Dios, wx̱én ḻáže'gake' Le', dan' bi wléj yichjo' benne' ka' žíljgake' Le', X̱anto' Dios.

¹¹Le goḻ che X̱anžon', Bennen' zoe' yež Sión. Le wzenle benne' yež ka' ka nak da' bene',

¹²dan' žejsá' ḻaže'e chegak benne' ka' ẕzáka'gake', na' yezi'e wzón che benne' wetw benách ka'. Bi gaḻ ḻaže'e da' žḻižgak benne' yache' ka' Le'.

¹³Beyache' ḻaže'l neda', X̱ana' Dios. Bwia da' ẕzaka'a ḻo na'gak benne' ka' bi ẕḻé'egekle' neda' chawe'. Le' bekó'o neda' ḻo na' yeḻa' got