Salmos 91:9-15

⁹Yuwamand siy Apanllimunari mangis taturangis, anumand Apanll siyaa ksutchiya.

¹⁰Maachi yutamash siyash kusamaam pinasachiya. Wanguytam tsutashish siyash pangis tsutacheeja, ndambari.

¹¹Watam Apanllsha waana wasundururee siyaa ksutamaam zangankuwa. Yaptaa naakis ambtaa wasundurursha uru siyaa ksutchiya.

¹²Uwpat siyaa pazurangpaz ashtachiya, nda siy patumbchimun pazis tpuu ashimaama.

¹³Kázamshiptaati, isariyap, mkaptam naakinaareesa, Apanllsha siyaa wanasir naamaam istachiya.

¹⁴Apanll átcha; Siy nuwaa mangoonkus, nuwaa chinakus, nuwsha siyaa tapachindachintspa. Ashiri yutamashi siyaa kasicheeja.

¹⁵Nuwaa mashkus, nuwsha uru yámchintspa. Nuwaana siyapa washunand taachima. Mangis kapung mantsakus, mangeetsis tuwizpurtachintspa. Tputssha siyaa yasaksin, Apanll waa kapung chinaku istakiya, táchinllinaya.