SALMOS 79:2-8

²Bká'ngake' beḻa' žen gat chegak benne' wen žin chio' ka' gan bdawgak lab ka' ḻégake'. Bdawgak bia yix̱e' ka' benne' chio' ka'.

³Bláljgake' žen chegak benne' ka' ka nis ḻo nez ka' che yež Jerusalén, na' bi wzóa no benne' wkache'e ḻégake'.

⁴Benne' yež gawze ka' ẕchíx̱gake' neto'. Yógo'te benne' ka' žon dítjgekle' neto', na' ẕká'ngake' neto' ka'ze.

⁵¿To chi'ize gak ki cheto', X̱anto' Dios? ¿To chi'ize ẕžo'o neto'? ¿To chi'ize gak yeḻa' ẕža'a chio' ka to yi'?

⁶Bža'agak benne' yež ka', benne' bi zej nónbi'e Le', na' benne' zi'to' ka', benne' bi žḻížgake' Le'.

⁷Bžia yí'gake' ẕa'só Jakob ka', na' bchínnjgake' lížgake'.

⁸Bi yesbago'o neto' da' ẕia da' wbága'gak x̱a x̱na' gole cheto' ka'. Da ka' gaze yeyache' ḻáže'lo' neto', dan' bedó ḻáže'to'.