Salmos 72:3-14

³Yuw tputs machip taakana, antamsin wanasirsha mapiyrsin taachinllinaya.

⁴Kurak pukiree tputs istakchu, wanasirsha tsiyatssee yarku taachiya. Wipawaatstam istakchu mapiyrtamsin taachinllinaya. Watam tamundampanee tputs tununumbayaru kasachuwa.

⁵Urutamari an kurak taachpa. Zar, misha tsup tamaparee ashiru urutamari taachpa.

⁶Kurak ashkachu, tputsee kapung istachiya. Sin sinakchu, mzats tatsumim kis kxuntaru, kuraksha ambtam ashiru tiptsiree istakchu, kis taachinllinaya.

⁷Nduma tsup pastachu, kurak tiptsir waanpatatin wanasir tsiyatkusin, mapiyrsin kis taachinllinaya.

⁸Kurak tputsee ztaru ksutku, wamari kasiru taachiya. Kung Eufratismand yaru, ichingaru tputsee wamari kasiru taachiya.

⁹Undararshitisin, tsap puzap taaksin, waantatamsin, tutunlltayarusin, Kurakaa, Shiyaa kukish payuchinipa, puniksin táchinllinaya.

¹⁰Tarisshuch tputs urkar, Sambashuchtam urkar, Sibashuchtam urkar, arapcheewtamsin minpich tputs urkari, ichingarusin kurakaam maacheetsi wanasirimshee yushindayarusin, mangutari kurakaamsha panachinllinaya.

¹¹Ashiri tsapurunasshuchsha kurak ichingarusin waatsimarisha tutunlltaksin taachinllinaya. Tputsee ztaru kurakaa wamachtasheetssha payuksin taachinllinaya.

¹²Pukirsha tputs, Kurakaa istanda. Tpachindanda, tákchu, kuraksha tputsee taárash tapachindachiya, Watam wamin istamaama ndunariwa. ¿Chakaja pukiree istach?

¹³Kuraksha waanaatsi tiptsir chinampatari tuwizpurtachiya. Pukireetstam tputs taárasheetstam tapachindachiya.

¹⁴Tputs Kurakaa tiptsiri kiyung yachamaam zandkitaatssin, uwsha tiptsiree tapachindachiya, watam kapung chinakuwa.