SALMOS 69:5-11

⁵Dios, nnézkzelo' Le' bena' da' yaḻze, na' ẕḻe'ekzlo' doḻa' da' bena'.

⁶X̱ana' Dios ẕente, bi go'o latje benne' ka' žx̱en ḻáže'gake' Le' yedoé'egekle' ni'a che da' bena'. Bi go'o latje benne' ka' zá'gake' chio' chíx̱gekle' ni'a chia' neda', Dios chegak benne' Israel ka'.

⁷Dan' nži'ila' Le' ẕchíx̱gake' neda', na' ḻo yeḻa' sto' zoakza'.

⁸Naka' ka to benne' zi'to' ḻawgak benne' ljéža'do' ka', na' bi zej nónbi'e neda'.

⁹Žeye ẕla ḻáẕda'wa' dan' žé'ḻi'a wnné yoe che ližo'. Da' ẕnnégak benne' ka' chio' Le', Dios, naken ka ẕnnégaken' chia' neda'.

¹⁰Wžeža', na' bena' wbás, na' ben dítjgekle' neda', na' che ḻen ẕchix̱la'.

¹¹Ḻezka' bwakw kwina' ḻaže' zeche'. Bḻé'egekle' neda' ka to da' ben dítjgekle'.