SALMOS 64:1-8

¹X̱ana' Dios, bze nag chi'a. Že' zedla' žḻiža' Le'. Wdape chi'i yeḻa' nban chia' dan' ẕžeba' da' gongak benne' ka' ẕdíḻ-ḻengake' neda'.

²Bkache' chawe' neda' nich benne' ka' bi zej nake' chawe' bi góngake' chia' kan žénegekle', na' nich benne' ka' žóngake' da' ẕinnj bi góngake' chia' kan ẕza' ḻáže'gake'.

³Diža' ka' ẕcháḻjgake' zej naken ka ya ntoche' ka', na' ẕnnégake' chegak ljéžgake' ka' ka žon to benne' žsie' yag ntóche'do' chie' ka'.

⁴Ki ẕnnágake' bagáche'ze nich góngake' ga chejchégwgak benne' ḻi ḻaže' ka'. Choḻze žóngaken', na' bi be ẕžébegake'.

⁵Žon byéngake' góngake' da' ẕinnj da' žénegekle', na' ẕbékgake' do yeḻj ka' nich séngake' benne' ka'. Ẕnnágake': “¿Noẕ benne' ḻe'ele' da' žonžo?”

⁶Žíljgake' da' ẕinnj da' góngake', na' ẕwíagaken' binlo. Da' yo'o yichj ḻáẕdo'gake' naken da' kegle kan zej nak ḻáẕdo'gakkze'.

⁷San Dios gon zi'e benne' ka' ḻen yag ntóche'do' chie' ka'. Choḻze chó'ogake' yižwé' ẕen ka'.

⁸Da' bchaḻjgak benne' ka' gonen ga chejchégwgake'. Chébegak yógo'te benách kate' ḻé'egekle' ḻégake'.