Salmos 60:2-11

²Napneg-naid yeer be ogiglimaksad, yeer napamar argas-nanaed. E-yaa-argasmaladi be nudake, ar binna-binna babatemaigusad.

³Yeer-gangu be-dulamar be wilubdaksad, vino-gagbid-gobega be anmar-imaksad.

⁴Dule-sigu-miemaladgi san-onogega, beba-inniki-nanadimaladgala, igar-inniki-maid be oyosad.

⁵Be-dulamar-be-nue-sabedi, nabir bendaklegega, be-ganguedgi be anmar-bendake, be anmar-abinsae.

⁶Bab-Dummad, be-neg-islidikidgi be weyob sogsad: “An Siquem-neggwebur-mimioedgi, weligwale an itoged. An Sucot-neba-naid-ilemakoedgi, weligwale an itoged.

⁷Galaad, angadga gued, Manasés, angadga gued. Efraín, an-bormo-gurginga gued. Judá, an-gaapoledga gued.

⁸Moab, an-argan-enukedga gued. Edomʼgi, an-sapat bikiin an metoed. Filistea-neggweburgi, gandikidba an gormakoed.”

⁹¿Doa, neggwebur-gandikidse an-nidoe? ¿Doa anga, Edom-yalase-aibillemaid oyogoe?

¹⁰Bab-Dummad, ¿bee be anmar-obachagussursi? Bab-Dummad, bar be anmarga sorda-bila-onomalad-bendakdisurgusad.

¹¹Dule-isdarmaladgi-nakwega be anmar-imake. Ar dulemar anmar-bendakele, anmar gwen igarga guosulid.