SALMOS 5:2-11

²Le' nako' X̱ana', na' nako' Dios chia'. Benle da' žḻiža' Le', dan' ẕcháḻjḻenteza' Le'.

³X̱ana' Dios, chbal-le yenlo' chi'a. Zildo' ḻa'kza' ḻawo' Le', na' kweza' da' yi'o neda'.

⁴Nako' Dios bi žaz ḻažo'o da' bi nak chawe'. No benne' žone' da' ẕia bi soakze' gan zo' Le'.

⁵Bi žo'o latje ḻa'gak benne' wen da' ẕinnj ka' ḻawo'. Bi ẕḻe'elo' chawe' yógo'te benne' wen da' ẕinnj ka'.

⁶Ẕchinnjo' ližgak benne' ka' žon ḻáže'gake'. Ẕzo' cheḻa'ale benne' wetw benách ka', na' no benne' žon ḻaže'e,

⁷san neda' wak choa'a ližo' dan' nží'iḻe'elo' neda'. Wká'n ẕena' Le' ḻo yodo' la'y chio' ḻo yeḻa' ẕžebe.

⁸Bsedle neda' gona' da' chawe' ḻawo' Le', X̱ana' Dios, dan' ẕžá'aḻe'egak benne' ka' neda', benne' ka' bi ẕḻé'egekle' neda' chawe'. Bche' neda' nez chawe' chio'.

⁹Benne' ki bi ẕnnágake' da' naken da' li. Nža' yichj ḻáẕdo'gake' da' kegle. Lbá'gake' zej naken ka yežw ba ka' chegak benne' gat ka' da' nyáljwgaken. Ẕnnágake' diža' chawe' ka', san žon ḻáže'gake'.

¹⁰Ben zi' benne' ka', Dios. Ben ga chejchégwgake' ni'a che x̱tíža'gakkze'. Dan' nyanḻe'e da' bi nak chawe' da' žóngake', na' dan' bží'igake' chio' Le', bnnita' ḻégake' cheḻa'ale.

¹¹San yebéḻe'egekle benne' ka' žx̱en ḻáže'gake' Le'. Kwežeyá'gake' ḻo yeḻa' žebele dan' žákḻeno' ḻégake'. Benne' ka' zej nži'ile' Le' yebéḻe'egekle' ḻawo' Le'.