SALMOS 53:3-5

³san yógo'te benne' ka' zej nbej yíchjgake' Dios. Yógo'tie' zej nbage'e ẕia. Bi zoa no benne' žone' da' naken chawe', nitóe'.

⁴Ẕnna Dios: “¿Bi žejní'igekle benne' wen da' ẕinnj ka'? Že'j žáwgake' da' ẕbángake' chegak benách chia' ka', na' bi žénegekle' gónbia'gake' neda'.”

⁵San žin ža žébegake' da' sáka'gake'. Gosḻas Dios žit chegak benne' ka' ẕdíḻ-ḻengake' benách chie' ka'. Dios wzóe' ḻégake' cheḻa'ale, na' wžía yi'e ḻégake'.