SALMOS 39:2-6

²Wzóa' žize ka to benne' bi žak nnie' na' bi be wnnía', na' bi bchaḻja' da' naken chawe' da' žaḻa' nnia', na' bgolže da' ẕzaka'a.

³Gok ḻáẕda'wa' ka to da' žeyen, na' x̱ak blab ḻaža'a chen, goken ka to yi', na' wnnabla' X̱anžon', wnnía':

⁴“X̱ana' Dios, bḻoe'el neda' da' gak chia', na' baḻ ža soa' nbana'. Bzejní'il neda' bayén batx̱ gata'.

⁵Beno' chia' soa' nbabze ža, na' yiz chia' bi be zej naken ḻawo' Le'. Da' likze bi be zej nak ža chegak benách ka'.

⁶“Da' li zej nak benne' ka' ka to ẕóḻdo'ze. Da' likze dáche'ze zej že' benne' ka' wnné yoe ni'a che yeḻa' nban chégake'. Ẕdan ḻáže'gake' yeḻa' wnni'a, na' bi zej nnezle' no benne' gaken chie'.