Salmos 38:7-22

⁷Bela-bela an uedik itoged, an-san bela ibitosad.

⁸Nue geggus itoleged, nunumakesar itolegusad. An gwage-nunmaked-dummad nue-itonaid.

⁹Bab-Dummad, an-ibmar-abeged bela be wisid, an-ibmarbina-gudiid begi dukunaisulid.

¹⁰An-gwage sabesur dik-dik-naid, an-niga argwated, nue an ataksurgusad.

¹¹An bonigan-nikadba, an-aimar, an-sordamar, angi bangudmalad. An-gwenadgan angi deyob bangudmarmogad.

¹²An-oburgwebi-gudimaladi, an-yardakega angi arbananaid. An-oitomaloye-sogdimaladi, an-yardakega arbakee bane-bane igar-aminanaid.

¹³Degi-inigwele, uayasuliyob an imaksad, yamo amar-itonaisuliyob an imaksad. Amar-abin an sunmaksasulid, wissur-sunmakeyob an imaksad.

¹⁴Degisoggu, dule-uayasulidyob an gued, wissur-emar-abinsaedyob an gued.

¹⁵Bab-Jehová, unnila an beginbi ibmar-edarbediid. An-Bab-Dummad-Jehová, bebi unnila wemar-abin-imakoed.

¹⁶Unnila ibmar-soggwen an egised: An ailanonikile, mer anga allemalaga be imako, mer angi burgumalaga be sao.

¹⁷Nue an galakue itoged, ibmar-nunmaked gwen-an-indakbisulid.

¹⁸Degisoggu, an-isgusad an na barsogergebed, an isgusadba nue-wiles an itoged.

¹⁹An-isdarmaladdina nue baligannosmalad, yogasaar-isdar-an-dakdimaladi nue mergusmalad.

²⁰An ibmar-nued-imaked-ular, dulemar angi yolenanaid. An ibmar-nued-imaked-ular, dulemar angi gwisgunanaid.

²¹Bab-Jehováʼye, mer be an-barmete, an-Bab-Dummadye, mer be angi bangue.

²²Gwae be an-bendakdage, Bab-Dummad, be an-abonogedid.