Psalms 38:7-22

⁷Pwe lonelon ai monedier melel, o jota mau kot ni pali war ai.

⁸Nai luetalar melel o i wokiwok pajaner. I kin janejan, pweki monion i jota kak moleilei.

⁹Main, kom kotin mani ai inon karoj, o ai janejan jota rir jan komui.

¹⁰Monion i rerer, ai kelail ko janer re i, o marain en maj ai pil rotorotala.

¹¹Kompoke pai o ai warok kan kin doowei jan ia, o juedeki ai kalokolok, o jau i kan kin doo jan ia.

¹²O me kin inon ion kame ia la, kin majamajan ia, o me men wia jued on ia, kin indinda duen ar pan wiada dodok jued, o re kin widiwidin anjau karoj.

¹³A nai dueta me jalonepon amen, me jota ron waja, o dueta me loton, me jota kak jar pajan au a.

¹⁴Nai dueta ol amen me jolar ron waja, o jota depuk en lokaia mi nan au ai.

¹⁵A i kin auiaui komui, Main. Komui Main ai Kot pan kotin japen ia.

¹⁶Pwe i men, ren der peren kin ia. Ma nä i pan krijedi, re pan peren kida melel.

¹⁷Pwe i koren ion pupedi, o ai kalokolok kin koren ion ia anjau karoj.

¹⁸Pwe i weokada dip ai kan o juedeki dip ai.

¹⁹A ai imwintiti kan memaureta o irail me kelail; me kailon kin ia ni jota karepa me toto.

²⁰O me kin depukki ai me mau me jued, kin palian ia, pweki ai dadaurata me mau.

²¹Ieowa ai Kot, kom der muei jan ia o der doowei jan ia!

²²Kom kotin madan don ia, Main jauaj pa i.