11Benne' dxexruj lazre' ca' gaca chee̱' xe̱zr la xu, na' xelexezaca ba lazre̱' lu xel-la' dxebeza zri lazre' zrente̱.
12Benne' dxelún da cale̱la dxelilaj lazre̱' bi xelune̱' chee̱ benne' xrlátaje, ne lu xel-la' dxelezrá'a chee̱' xelagu lazxa benne' ca'.
13Xránadxu Dios guzrízrequeze̱' chee̱ benne' ca' dxelune̱' da cale̱la lawe' da nézene̱' ba za zra cheajsé̱ chee̱ benne' ca'.
14Benne' dxelune̱' da zrinnaj dxelebéaje̱' xia chee̱', ne dxuluzé̱' xaga nalá xéche'ze chee̱', chee̱ xuluzría xi'e̱ benne' xache' ca', ne benne' dxelexazrje̱', chee̱ xelútie̱' benne' ca' dxelune̱' da li lazre'.