SALMOS 25:12-19

¹²¿Zoa no benne' ẕžebe' Le', X̱anto' Dios? Le' wsedlo' bennen' da' žaḻa' gone'.

¹³Gak chie' to yeḻa' ba nez ẕen, na' ẕa'sóe' ka' gata' chégakbe' yežlyó.

¹⁴X̱anžo Dios nake' toze ḻen benne' ka' ẕžébegake' Ḻe', na' gone' ga gónbia'gake' x̱tiže'e dan' bénḻene' žo'o.

¹⁵Wx̱én ḻáže'teza' X̱anžo Dios dan' beslé' neda' ḻo na'gak benne' ka' žénegekle' wžía yí'gake' neda'.

¹⁶Bwia neda', na' beyache' ḻaže'l neda' dan' zoa' toza', na' ẕzáka'ḻi'a.

¹⁷Nyanḻe'e da' zede da' zej yo'on yichj ḻáẕda'wa'. Beslá neda' ḻo da' zede da' ẕzaka'a.

¹⁸Bwia ka ẕzáka'ḻi'a, na' ka žónḻi'a žin, na' benít ḻaw che yógo'te doḻa' da' nbaga'a.

¹⁹Bwia ka nyanḻe'e benne' ka' ẕžá'agake' neda', na' kan ẕbia ḻáže'gake' neda'.