Salmos 24:2-7

²Bzue̱' na lawe' nísadau', ne bzale̱' lane na sítujla zran nísadau'.

³¿Nu seque' cuen xi'a chee̱ Xránadxu? ¿Nu seque' chu'u xudau' lá'azxa chee̱'?

⁴Waca benne' ca' zaj naque̱' du lazre' ca naca da dxelune̱', ne ca naca da dxulaba lazre̱'. Benne' ca' quebe ne xelechisa ne̱'e̱ lau bedáu' xiaj xaga ca', ne quebe bi ne xeleche̱be lazre̱' da naca we̱n lazre'.

⁵Xránadxu gune̱' da chawe' chee̱ benne' caní. Dios guchi'e̱ chee̱ benne' caní, ne guselé̱' le̱'.

⁶Caní zaj naca bénneache dxelebigue̱' lau Le̱', benne' ca' dxelexu'e̱ naga zua Dios chee̱ Jacob.

⁷Le salaj dxa xu'u chee̱ xudau'. Le salaj dxa xu'u chawe' ca', na' chu'u Wenná Bea szrente̱.