Salmos 22:6-10

⁶Neda' naca' ca tu be̱la' gúna'dau', ne quegá bénneache. Dxelecuide bénneache neda', ne dxuluzúe̱' neda' chalá'ala.

⁷Xúgute̱ benne' dxelelé'e neda' dxelún le̱' chia'. Lu da dxelún le̱' chia' dxelexrá dxu'e̱, ne dxulutá xíchaje̱', dxelenné̱':

⁸“Bzua cuine̱' lu na' Xránadxu chee̱ guselé̱' le̱'. Guselé̱' le̱' che dxezaca ba lázrele̱ne̱' le̱'.”

⁹Lue' nacu' Bénnea' be̱xru' neda' gate gúlaja'. Be̱nu' bxren lazra' Lue' gate na' ne dxázretea'.

¹⁰Guxu'a lu na'u gate quebe ne gálajtea'. Gate ne xu'a lu le̱'e̱ xrna'a, báchequeze nacu' Dios chia'.