SALMOS 17:7-10

⁷Bḻoe'el neda' kan žeyache' ḻáže'ḻe'elo' benách ka'. Beslá benne' ka' žx̱en ḻáže'gake' Le' ḻo na'gak benne' ka' bi ẕḻé'egekle' ḻégake' chawe'.

⁸Bwia neda' ka žon no benne' ẕwíakze' yej ḻawe'. Wdape chi'i neda' ka žon ẕkoko', bian' žape chi'iba' bríse'do' ka' ẕan x̱ilba'

⁹nich bi be gongak chia' benne' wen da' ẕinnj ka', benne' ka' bi ẕḻé'egekle' neda' chawe', na' žénegekle' gótgake' neda'.

¹⁰Bi žeyache' ḻáže'gekle' ljéžgake' ka', na' ḻo yeḻa' ẕka'n ẕen kwíngake' ẕcháḻjgake'.