Salmos 17:6-13

⁶Dxuláwizra' Lue', Dios, lawe' da dxennu' chi'a. Bze̱ naga chi'a, na' bene da dxennía'.

⁷Ble'e ca dxexache lázrele̱'u bénneache. Bselá benne' ca' dxuluxrén lazre̱' Lue' lu na' benne' dxeledábague̱' le̱'.

⁸Bxue neda' ca dxun benne' dxuxúe̱' xiaj lawe̱'. Gude̱zre neda' ca dxun bedxuj dxé̱zreba' zrí'ineba' zran xrílaba'

⁹chee̱ quebe bi xelún chia' benne' ca' dxelune̱' da cale̱la, benne' dxeledábague̱' neda', ne dxelaca lazre̱' xelútie̱' neda'.

¹⁰Quebe dxelexache lazre̱' le sa' ljwezre̱', na' dute̱ xel-la' dxulucá'ana szren cuine̱' dxuluchálaje̱'.

¹¹Gátete̱ze dxedá' dxeléchaje̱' neda'. Dxelaca lazre̱' xeline̱' neda' xu.

¹²Zaj naque̱' ca tu be̱zre xíxre'dau' dxaca lázreba' bi gáguba'. Zaj naque̱' ca tu be̱zre xixre', ba nucache cuínaba' chee̱ qué̱l-laba' béadu ca'.

¹³Gudá, Xran, gudábaga' benne' ca' dxelune̱' da cale̱la, na' bchiche̱' lu xu. Bselá neda' lu na' benne' ca' dxelune̱' da cale̱la, guchínenu' xia chiu'.