SALMOS 148:2-11

²¡Le wká'n ẕene' Ḻe', ḻe'e, wbás che ya'abá chie' ka'! ¡Le wká'n ẕene' Ḻe', ḻe'e, benne' zante chie'!

³¡Le wká'n ẕene' Ḻe', ḻe'e, wbíž, na' byo'! ¡Le wká'n ẕene' Ḻe', ḻe'e, belj žsa'ni'le!

⁴¡Le wká'n ẕene' Ḻe', le', ya'abá na'le, na' ḻe'e, nis ka' zoale ḻawle ya'abá!

⁵¡Le wká'n ẕen La la'y che X̱anžon', dan' wnnekze' Ḻe', na' wzoale!

⁶Bene' ga zoale na'a, na' to chi'ize. Wnnakze' chele ḻe'e to da' bi te chen.

⁷¡Le wká'n ẕen X̱anžon' ḻo yežlyó, ḻe'e, bia ẕen ka' zoale ḻo nisdo', na' ḻo nis zil,

⁸na' ḻe'e, yes wzió', na' yej nis, na' bege', na' bejw ka', na' ḻe'e, be' bdone' ka', žonle ka ẕnnakze' Ḻe'!

⁹¡Le wká'n ẕene' Ḻe', ḻe'e, ya'ado' ka', na' ya'a ẕen ka', na' ḻe'e, yag ẕix̱ ka', na' yag sedro ka',

¹⁰na' ḻe'e, bia yix̱e' ka', na' bia ka' napgak benne' ka', na' ḻe'e, bia snia ka', na' bia zej zoa x̱ílgakba'!

¹¹¡Le wká'n ẕene' Ḻe', ḻe'e, benne' wnná bia' ka', na' yógo'te benne' gax̱jw ḻaže' ka', na' ḻe'e, benne' blo ka', na' benne' wchi'a ḻaže' ka',