SALMOS 140:5-13

⁵Benne' ka' ẕka'n ẕen kwíngake' wlékgake' to da' senen neda'. Bzáḻjgake' do yeḻj žoa'a nez. Wlékgake' da' ka' séngaken neda'.

⁶Goža' X̱ana' Dios: “Le' nako' Dios chia'. X̱ana' Dios, benle chi'a kate' žḻiža' Le'.

⁷X̱ana' Dios, nakkzo' Benne' weslá chia'. Le' wdape chi'o yichja' ḻo ža gok wdiḻe.

⁸X̱ana' Dios, bi go'o latje gak kan žak ḻáže'gak benne' wen da' ẕinnj ka'. Bi go'o ḻégake' latje góngake' da' ẕza' ḻáže'gake' nich bi wká'n ẕen kwíngake'.

⁹Zej nyechjle benne' wen da' ẕinnj ka' neda'. Ben ga gak chegak benne' ka' kan žénegekle' góngake' chegak benne' yoble ka'.

¹⁰Ben ga yex̱jw yi' ḻo yichjgak benne' ka'. Ben ga chejchazgak benne' ka' ḻo yin'. Ben ga chejchazgake' ḻo da' gže'ḻe'e gan batkle yežójgake'.

¹¹Bi go'o latje bennen' ẕnne zi'e ga'ne' ḻo yežlyó. Ben zi' benne' yichj ža'a, dan' wžía yin' ḻe'.”

¹²Nnezla' yechebe X̱anžo Dios che no benne' gax̱jw ḻaže', na' wzóa choche' da' ka' zej yo'on ḻo na'gak benne' yache' ka'.

¹³Da' likze benne' chawe' ka' we ḻáwgake' La la'y chio', na' benne' ḻi ḻaže' ka' sóagake' gan zo' Le'.