SALMOS 139:15-18

¹⁵Bḻe'ekzlo' neda' kate' wyá'a žit yoa'a, katen' wzóa' ḻo ḻe'e x̱na'a, katen' bgola' ḻo da' bagáche'ze ga na'.

¹⁶Bḻe'elo' beḻa' žen chia' kate' wyá'n. Yógo'te da' ki bzojon' ḻe'e yiche chio', na' wdé na' wyá'n, na' yógo'ten gókgaken kan zej nyejwn.

¹⁷X̱ana' Dios, ẕente zej nak da' žezá' ḻažo'o gono'. Da' zante zej naken.

¹⁸Cha' gak ḻaža'a wlaba' ka zej naken, zej nyanen ka yož dan' žen' žoa'a yegw ẕen. Kate' žebana', na' zóaḻenkza' Le'.