SALMOS 137:4-7

⁴¿Nakx̱kze gak goḻžo da' wká'n ẕenžo X̱anžo Dios, ga zoato' ḻo yežlyó ni chegak benne' zi'to' ka'?

⁵Cha' gaḻ ḻaža'a yež Jerusalén, ẕnnabla' Dios gone' ga wnít na'a ḻi ža yeḻa' waḻ chen.

⁶Ẕnnabla'-ne' gone' ga ta' loža'a chichjla' cha' bi chejsá' ḻaža'a che yež Jerusalén, na' cha' bi wká'n ẕenan'. Yežen' naken da' žaz ḻáže'ḻi'a.

⁷X̱ana' Dios, bejsá' ḻaže' da' ẕinnj da' bengak benne' Edom ka' ḻo ža katen' bchínnjgake' yež Jerusalén, na' wnnágake': “¡Le wchinnjen! ¡Le wchinnjen, na' zejte ḻo lenen!”