17¡Le wká'n ẕen Dios, Bennen' bete' benne' wnná bia' ka'! Zóateze yeḻa' žeyache' ḻaže' chie'.
18Bete' benne' wnná bia' waḻe ka'. Zóateze yeḻa' žeyache' ḻaže' chie'.
19Bete' Sehón, bennen' wnná bi'e benne' amorreo ka'. Zóateze yeḻa' žeyache' ḻaže' chie'.
20Bete' Og, bennen' wnná bi'e benne' yež Basán ka'. Zóateze yeḻa' žeyache' ḻaže' chie'.
21Bdie' yežlyó chegak benne' ka' ḻo na'gak benne' chie' ka'. Zóateze yeḻa' žeyache' ḻaže' chie'.