Salmos 119:163-167

¹⁶³Dxecuídeda', ne dxegúteda' da we̱n lazre'. Nazrí'ida' da dxenná da bdxixruj be'u.

¹⁶⁴Gazre lasa tu zra dxue lá'ana' Lue' lawe' da xrlátaje naca ca dxuchi'u chee̱ntu'.

¹⁶⁵Dxelebeza zri lázrele̱'e̱ benne' ca' zaj nazrí'ine̱' da bdxixruj be'u, na' quebe bi de̱ da gun na cheajlecházie̱'.

¹⁶⁶Xrana' Dios, dxebeza' Lue' xidu' guseláu' neda', ne tu dxúnzqueza' ca naca da bdxixruj be'u.

¹⁶⁷Dute̱ lázrdawa' tu dxúnzqueza' da dxuse̱de dizra' chiu' netu', ne nazrí'ile̱'e̱da' ca naca na.