SALMOS 119:159-169

¹⁵⁹Bwia nga, X̱ana' Dios, ka nži'ila' da' bchi'lo' neto'. Ḻo yeḻa' žeyache' ḻaže' chio', ben choch neda'.

¹⁶⁰Dot da' li nak x̱tižo'o, na' to chi'ize zoa da' ẕchi'a ḻažo'o Le'.

¹⁶¹Benne' wnná bia' ka' ẕbia ḻáže'gake' neda', na' bi be bena' chégake', san dot ḻaža'a žapa' x̱tižo'o ba la'ne.

¹⁶²Žebéḻe'ežela' ḻo da' ẕnna x̱tižo'o ka žebele bennen' žežeḻ-le' to yeḻa' wnni'a ẕente.

¹⁶³Bi ẕḻe'ela' chawe', na' bi ẕzi'a da' wen ḻaže', san nži'ila' da' bsedlo' neto'.

¹⁶⁴Tža tža žoe ḻawa' Le' dan' nak chawe' ka ẕchi'a ḻažo'o neto'.

¹⁶⁵Ẕga'n cháwe'gac benne' ka' zej nži'ile' da' žsedlo', na' bi be de da' gonen ga chejchégwgake'.

¹⁶⁶X̱ana' Dios, ẕbeza' Le' yido' yesló' neda', na' žónteza' ka nak da' wnnakzo' Le'.

¹⁶⁷Dot ḻaža'a žónteza' da' žsedle diža' chio' neto', na' nží'iḻe'ela' da' ẕnnan.

¹⁶⁸Žónteza' ka ẕnna da' bchi'lo' neto', na' ka žsedle diža' chio' neto', na' ẕḻé'ekzlo' yógo'te da' žona'.

¹⁶⁹X̱ana' Dios, benle da' žḻiža' Le'. Bzejní'il neda' ka ẕnna x̱tižo'o gono'.