Salmo 89:15-21

¹⁵Amugu Dwata, too nun kafye di dad to fulung dmayen ge, i dad to mnè di kakdom;

¹⁶tayud duh flehew ale di kafyem, na dnayenla i katlum.

¹⁷Magdayen gami mdà di ge, du ge gumdà i kgalmi na katumi, mdà di kakdom fdataham gami.

¹⁸Hae, Amugu Dwata, du ge i kamlung gami; na ge, Dwata Landè Salà, gusmalig i gutambulmi Israél, na ge i mlé harìmi.

¹⁹Gtalù ge di muna fa fagu di kanteen di dad tom too gsalig, na gmanam, “Tanalékgu satu to gumlégu gal di kasfati; tanalékgu kenen mdà di dad mdanà to du fanbalinggu kenen harì.

²⁰Dunan Dabid, i saliggu, na fihokgu kenen fngalo ilè kenen i tanalékgu mbaling harì.

²¹Là tlag i ktabenggu kenen, na i kgalgu i tamgal kenen.