Salmo 47:3-8

³Tablén gito gnagan misan dad to di sahal banwe; tafkahan ale di dungan falel i bliito.

⁴Kenen i malék i tanà gumneito, i too mabtas nfun Dyékob i gutambulito toon kando.

⁵Samfulê Amuito Dwata di gumnean di tah gagin kit i dad to dmayen kenen na uni dad féw, du tagfisanan dad dmuen kenen.

⁶Mlingag ito dayenito Dwata, mlingag ito dayenito! Mlingag ito dayenito i Hariito, mlingag ito dayenito!

⁷Du Dwata, kenen i harì mebe kdee banwe di klamang tanà; dnayenito kenen fagu di klingag dad mabtas lingag.

⁸Dwata i magot dad banwe, na sudeng kenen ditù di mtiu gusudeng i mdatah harì.