Salmo 33:17-21

¹⁷I dad malbang kudà snakay di kasfati là gablà snalig du fye là fisan ito di kasfati, du balù i bong gal i kudà là gafalwà gito.

¹⁸I Amuito Dwata i too meye na mifat dad to nun klikò di kenen, i dad to smalig di kakdon landè kgilin,

¹⁹du fye falwaan ale di fati, balù ku nun kel bong kbitil.

²⁰Alò Amuito Dwata i gusmaligito; kenen i tmabeng na kamlung gito.

²¹Du Dwata too mtiu, kenen i gusmaligito, na kenen gumdà i klehewito.