Salmo 25:10-21

¹⁰Dutun te langun he ebeelan nu, ipeehè nu is gaǥew nu wey kegkemetinumanen nu ziyà te menge edsunud te ibpetuman diyà te kesuǥuan nu.

¹¹Nengazen, minsan mahabet is menge salè ku, peseyluwa a kenikew, su para mezeliǥi ka.

¹²Nengazen, is menge etew he edtahud kenikew, egiyahan nu wey zan meikul is dalan he ereg he ed-ikulen.

¹³Meuswaǥen is ked-ubpè dan, ne ebpedayun is ked-ubpà te menge kevuwazan dan diyà te tanà he Israel.

¹⁴Nengazen, utew nu emiǥu is menge etew he edtahud kenikew ne ibpetentenuzan nu kandan is kebpekid-uyun nu kandan.

¹⁵Diyè e zà layun edangep te kenikew, su iyan ka edlibri kedì te ebpekezezaat kedì.

¹⁶Pemineǥa a wey kehizuwi a, su midsebsevaha a ne edèdaaǥen a.

¹⁷Mid-iseg en is menge kemereǥenen ku; libriya a te kegkeliveg ku.

¹⁸Is-isipa a kenikew kayi te menge elentusen ku, ne peseyluwa a te langun he menge salè ku.

¹⁹Ahaa nu man, utew mahabet is menge kuntada ku ne zekelà is kedumut dan kedì.

²⁰Tipiǥi nu is untung ku, ne libriya a kenikew! Kenà a kenikew peel-elezi, su ziyà a med-aput te kenikew para kenà a mekeizi.

²¹Metazeng a wey wazà igkesawey kediey; umbe iyan ke en metau he kenà a mekeizi. Edsarig e zà kenikew.