Salmo 22:6-11

⁶Kabay agu, salngad agu i safat, ise to, du landè mafè deg, na knang agu nawa i kdee to.

⁷I kdee to mite deg, toola agu nulé, na lamaméd ale du slame dalanla madoy deg.

⁸Manla, “A, én kun gusmalig to ani di Amun Dwata. Fadé neyeito ku tnabeng kenen i Amun! I Amun nan falwà kenen, ku glut toon kenen kando.”

⁹Kabay ge, Dwata, i fsut deg mdà di tien yêgu, na ge i mifat deg di ktutùgu fa di yêgu.

¹⁰Alò ge i gusmaliggu mdà di ksutgu kel ani, na landè dademe dwatagu, alò ge.

¹¹Nang ge moon fawag di deg, du too mdadong i kaflayam di deg, na landè dademe fakay tmabeng.