10I gmanan too mabtas fa di blawen, balù tan fa i too kabtasan. I tnaluan too fye di nawagu, fye fa di nem i tnab tamdak mdà di banwe i sugen.
11Amugu Dwata, matdò i saligam fagu di dad tnaluam, na nun bong untung i dad to mimen dun.
12Kabay landè to fakay gmadè i kdee gugsalaan, taman falwaam agu di dad salà mgimògu i làgu gadè.
13Na fawagam i saligam di dad nimò tagadègu sasè, fye là agu mgebe i salà; du fye landè gukulanggu di kitem, na fye landè salàgu du landè nimògu sasè.