Salmo 19:1-6

¹Ani satu lingag Dabid. I langit là tlag fite i kdatah Dwata; toon fgamal fite i kafye mgimoan.

²Klit duh fiten, na klit butang fgadean i kdatahan.

³Là gtalù dad blatik ku demen i bulen, na taman landè manla,

⁴bay knean fgadèla kdatah Dwata di klamang banwe, na i dad to di kdee banwe fakay gamlabat i fgadèla. Déén di langit nun gufnè Dwata i duh,

⁵na klit flafus msut i duh gambet i lagi sandeme too fye baweh msut mdà di gumnean. Na gambet too nun ayè i duh magu salngad i ayè i mgal lagi gal makuf di skuya mila.

⁶Mdà magu i duh di gumsutan na là fanak kel di gusdafan; na landè di tah tanà ani i là gnumah i initan.