Salmo 122:3-9

³Is Jerusalem sevaha he inged he meupiya wey melig-en is kebenguna zuen.

⁴Kayi ebpevayà is menge tribu te Israel te kedalig te Nengazen, su iyan heini insuǥù din kandan.

⁵Kayi te Jerusalem edhimuwa te menge hadì he menge kevuwazan ni David is husayen.

⁶Ampù kew para te meupiya he kebpekesavuk te menge etew ziyà te Jerusalem pinaaǥi te kegkaǥi te, “Berakat he mebmeuswaǥen is menge etew he mibmahal zan heini he inged.

⁷Berakat he melinawen wey meupiya is kebpekesavuk diyà te seled te Jerusalem wey te menge melig-en he vahin kayi.”

⁸Para te keupiyaanan te menge kezuzumahi ku wey menge emiǥu ku, egkaǥi a te, “Berakat he meupiya is kebpekesavuk te Jerusalem.”

⁹Para te keupiyaanan te valey te Nengazen he Megbevayè tew, ed-ampù a he med-uswag is Jerusalem.