3 Is Jerusalem sevaha he inged he meupiya wey melig-en is kebenguna zuen.
4 Kayi ebpevayà is menge tribu te Israel te kedalig te Nengazen, su iyan heini insuǥù din kandan.
5 Kayi te Jerusalem edhimuwa te menge hadì he menge kevuwazan ni David is husayen.
6 Ampù kew para te meupiya he kebpekesavuk te menge etew ziyà te Jerusalem pinaaǥi te kegkaǥi te, “Berakat he mebmeuswaǥen is menge etew he mibmahal zan heini he inged.
7 Berakat he melinawen wey meupiya is kebpekesavuk diyà te seled te Jerusalem wey te menge melig-en he vahin kayi.”
8 Para te keupiyaanan te menge kezuzumahi ku wey menge emiǥu ku, egkaǥi a te, “Berakat he meupiya is kebpekesavuk te Jerusalem.”
9 Para te keupiyaanan te valey te Nengazen he Megbevayè tew, ed-ampù a he med-uswag is Jerusalem.
