SALAMO 46:2-9

²Una dainai ita na basita gari, ena be tanobada baine idau, ena be ororo bae marere-marere davara bogaraginai,

³ena be davara ranudia bae regerege bona bae gwaragwara, ena be ororo bae heude-heude una regerege dainai, to ita na basita gari. (Selah)

⁴Sinavai ta ena aru parara ese Dirava ena hanua vada e hamoalea, Herea Mikamika ena noho gabuna helaḡana bunai.

⁵Dirava na ia bogaraginai, ia na basine marere; Dirava ese ia baine kahaia, daba matana ai.

⁶Tanobada besedia e heloḡo-heloḡomu, basileia idau-idau e raivaraivamu; ia gadona e gwau isimu, bena tanobada e vevemu.

⁷Iehova Sabaota na ita ida; Iakob ena Dirava na eda kohoro. (Selah)

⁸Aoma, Iehova ena ḡaukara a itaia; hahedika karadia ia ese tanobada ai vada e kara.

⁹Tuari ia ese e hadokodiamu ela bona tanobada dokona, peva ia ese e bituamu, io ia ese e hakwaiduamu, kariota ia ese lahi ai e douamu.