Pesalem 46:2-9

²Amboac tonaŋ embe nom ênaŋa ma lôc êu tau êsêp gwêc êna, naŋ aêac tatêc tauŋ atom.

³Embe gwêc ŋadindiŋ ma êŋgasim e ê kapic-kapic naêpi lôc e êkôtêŋ tau, naŋ aêac tatêc tauŋ atom. Lau siŋ undambêŋa nêŋ Apômtau kêpuc aêac tôŋ Jakobnê Anôtô kêtu aêacnêŋ laimôkê.

⁴Bu kapôêŋ tec kêpoac ma ŋasêli kêmalôm Anôtônê malac to kêmoasiŋ Lôlôc Ŋatau nê andu dabuŋ.

⁵Anôtô tec gêmoa malac tau ŋaluŋgeŋ, tec senseŋ su ênaŋa atom. Anôtô gêjam malac tau sa gêdêŋ bêbêc kanucgeŋ.

⁶Tenteŋlatunêŋ lai kêpoa ma kiŋnêŋ gamêŋ kêku, eŋ kêkêŋ nê wapap gêjac e nom kêtênêp.

⁷Lau siŋ undambêŋa nêŋ Apômtau kêpuc aêac tôŋ. Jakobnê Anôtô kêtu aêacnêŋ laimôkê.

⁸Amêŋ ma alic Apômtaunê gêŋsêga. Alic gêŋ kaiŋ teŋ, taŋ gêgôm aŋga nom naŋ.

⁹Ŋac tonaŋ tec gêjam gôliŋ siŋ e gêdêŋ nom ŋamadiŋ. Ŋac tonaŋ tec gêjac talam ŋatikoc gêŋgic to kêmadôm kêm tulu ma kêkêŋ kareta siŋŋa ja geŋ su.