Psalm 46:2-9

²Ke ma inge kut ac fah tiana sangeng Finne kusrusr faclu ac eol uh mokukla nu in acn loal meoa.

³Meoa finne ngirngir ac pulkulak, Ac eol uh finne rarrar ke kusrusr la.

⁴Oasr soko infacl su ase mwe engan nu ke siti lun God, Nu in lohm mutal sin El Su Fulatlana.

⁵God El muta in siti sac, ouinge ac fah tiana kunausyukla; El ac fah tuku kasru siti sac ke srakna toang.

⁶Mutanfahl uh sangeng, tokosrai uh usrusryak; God El kouyak ke pusren pulahl, ac faclu kofelik.

⁷LEUM GOD Kulana El wi kut; God lal Jacob El nien molela lasr.

⁸Fahsru ac liye ma LEUM GOD El orala; Liye ma sakirik El oru fin faclu.

⁹El tulokinya mweun fin faclu nufon; El koteya mwe pisr, kunausla osra, Ac esukak mwe loang uh.