SALAMO 35:1-13

¹Iehova e, e heai henigumu taudia na ba heai henidia, e tuari henigumu taudia na ba tuari henidia.

²Kesi bona keme aurina avabi, a tore isi, ba durugu.

³Io bona dare a veridia lasi, e havagumu taudia ba laodia ahu. Lau laumagu a hereva henia, aoto “Lau binai oi ihamaurimu”.

⁴Egu mauri iabi-ohona e tahuamu taudia na ba hadareredia bona ba hahemaraidia; lau ihadikagu karadia e haeromu taudia na ba haloudia bona ba hadaradaradia.

⁵Uit momona na lai ese e odaia ohomu heḡereḡerena ai baela; Iehova ena aneru ese do baine luludia oho.

⁶Edia dala baine dibura bona baine dedidedi; Iehova ena aneru ese baine havadia.

⁷Badina be lau iabigu totona edia huo e otoa, asi badina; asi badina guri e ḡeia, egu mauri iabi-ohona.

⁸Mase ese baine hahoadia; e otoa huona ese baine hatoadia, ia lalonai vada bae mase.

⁹Una negana ai laumagu ese Iehova baine moalelaia; ena hahemauri baine imodaia.

¹⁰Turiagu iboudiai baeto “Iehova e, daika na oi heḡereḡeremu? Oi ese manoka tauna o hamauriamu, goada ai e hereaiamu tauna imana amo; bona manoka tauna bona ogoḡami tauna ena kohu e dadihaiamu tauna imana amo”.

¹¹Hahebade koikoi taudia e tore isimu, asi dibagu ḡaudia e nanadailaigumu.

¹²Na kara namo henidia davana na e kara dika henigumu; laumagu na e dauremu.

¹³A lau be e goreredia negana ai na guma dabuadia na dokilai, bona anivaga ai sibogu na hahedika;