Sɑ̃ɑrun Woodɑ 11:40-46

⁴⁰Wi u yen yɑɑ temɑ ǹ kun mɛ u yen goru sɔɔwɑ, u koo win yɑ̃nu teɑwɑ kpɑ u n disi mɔ sere kɑ tɔ̃ɔ ten yokɑɔ.

⁴¹I ku yɛɛ yi yi kɑbirimɔn yɑɑ tem

⁴²kɑ yi yi rɑ kɑ nukuru sĩ kɑ yi yi kɑbirimɔ kɑ nɑɑsu nnɛ ǹ kun mɛ yi yi nɑɑ dɑbinu mɔ. I ko ye kpuro deriwɑ mɑm mɑm.

⁴³I ku de yɛɛ yin bweseru yi bɛɛ ko disigibu.

⁴⁴Domi nɛ Gusunɔ nɑ sɑ̃ɑwɑ bɛɛn Yinni. I ko i tii dɛɛrɑsiɑ kpɑ i n dɛɛre. Domi nɑ sɑ̃ɑwɑ Dɛɛro. Yen sɔ̃nɑ i ǹ ko i tii disi doke kɑ yɛɛ yi yi kɑbirimɔ.

⁴⁵Nɛnɑ nɑ bɛɛ yɑrɑmɑ Egibitin di nɑ n kɑ sɑ̃ɑ bɛɛn Yinni. Yen sɔ̃, i de i n dɛɛre. Domi nɑ dɛɛre.

⁴⁶Woodɑ yeni kpurowɑ nɑ yi yɛɛ kpuron sɔ̃ kɑ gunɔsu kɑ yɛɛ yi yi wɑ̃ɑ nimɔ kɑ sere yi yi kɑbirimɔ.