Leviticus 11:40-46

⁴⁰Gei tangada dela gaa gai ana goneiga dulii i di maa, le e hai gi haga madammaa ono gahu, gei mee e milimilia gaa dae loo gi di hiahi. Tangada dela ma gaa kae di manu made deelaa le e hai gi hagamadammaa ono gahu, gei mee e milimilia hua i golo gaa dae loo gi di hiahi.

⁴¹Goodou hudee geina nia manu lligi ala e tolo i hongo di gelegele,

⁴²ma e aha maa digaula e tolo hua gi nadau dinae, be e haele gi nia wae e haa be nia wae e logo.

⁴³Hudee haga milimilia ina goodou i di godou gai nia manu aanei.

⁴⁴Au go Dimaadua, go di godou God, goodou heia goodou gii dabu, idimaa Au dela e dabu.

⁴⁵Au go Dimaadua, dela ne lahamai goodou i Egypt belee hai di God ni goodou. Malaa, goodou belee hai gii dabu, idimaa Au dela e dabu.

⁴⁶Deenei taganoho o nia manu dolodolo mo nia manu mamaangi, mo nia mee huogodoo ala i lodo di moana be i lodo nia wai, mo nia mee huogodoo ala e tolo i hongo tenua.