LIPAI 11:40-46

⁴⁰Oh mehmen me pahn tungoale ekis uduken mahno, e pahn kamwakelehda eh likou kan, ahpw e pahn saminla lao lel nin soutik; mehmen me wahda mahn mehlao pahn kamwakelehda eh likou kan, ahpw e pahn saminla lao lel nin soutik.

⁴¹Kumwail sohte pahn tungoale mahn tikitik men me kin limwahdek nanpwel.

⁴²Mehnda ma e kin kerep de aluhki neh pahieu de neh tohto.

⁴³Kumwail dehr kasaminehkinkumwailla ni amwail pahn tungoale soangen mahn pwukat.

⁴⁴Ngehi KAUN-O, amwail Koht; kumwail eri pahn sarawihla, pwehki ngehi me sarawi.

⁴⁵Ngehi KAUN-O, me kahreikumwaildo sang Isip pwe I en wiahla amwail Koht. Eri kumwail pahn sarawihla pwehki ngehi me sarawi.

⁴⁶Ih met kosonned me pid duwen mahn akan oh menpihr kan, duwen mehkoaros me kin mi nansed de nan pihl oh mehkoaros me kin limwahdek nanpwel.