Leviticus 11:40-46

⁴⁰Na kutena mwet fin kang kutena ip ke kosro misa inge, el enenu in ohlla nuknuk lal, tusruktu el ac fah tia nasnas nwe ke ekela. Ac kutena mwet su us mano misa sac, el enenu in ohlla nuknuk lal, tusruktu el ac srakna tia nasnas nwe ke ekela.

⁴¹Kowos fah tia kang kutena sin ma srisrik ma forfor fin faclu,

⁴²finne ma orakrak, ku ma fahsr ke nia akosr, ku ke nia pus liki akosr.

⁴³Nimet sifacna akfohkfokye kowos in kang kutena sin ma inge.

⁴⁴Nga pa LEUM GOD lowos, ac kowos enenu in liyekowosyang sifacna tuh kowos in mutal, mweyen nga mutal.

⁴⁵Nga pa LEUM GOD su uskowosme liki Egypt tuh nga fah God lowos. Kowos enenu in mutal, mweyen nga mutal.

⁴⁶Na pa inge ma sap ke kosro ac won, ac ke ma nukewa ma muta in kof uh, ac ma nukewa ma forfor fin acn uh.