ROMUDENƆ 5:3-11

³Adi kɛ abiren adoro, ótɛn pↄnna kɛ kũ ó warikɛnaao dↄ, zaakũ ó dↄ̃ kũ wari dì su kũ mɛnao,

⁴mɛna dì su kũ dà manao, dà mana dì su kũ tãmaaao,

⁵tãmaa sↄ̃ àdi ó nɛ́ro, zaakũ Luda a yenyĩ dà ó nɛ̀sɛn a Nini kũ à ó gbá gãi.

⁶Ó gbãnasarikɛ gũn Kirisi gà ókↄ̃nↄ yãvãnikɛrinↄ gɛ̃nɛ ũ gↄrↄ kũ Luda dìtɛa.

⁷Gana gbɛ̃ mana gɛ̃nɛ ũ aragaro. Ke gbɛ̃ke ni we à ga gbɛ̃ mana gɛ̃nɛ ũ gwɛɛ,

⁸akũ Luda mↄ̀wɛrɛ deran á yewái nà, zaakũ ó durunnadekɛ gũnn Kirisi gà ó gɛ̃nɛ ũ.

⁹Lákũ yã bò kũoo nna nà sà a aru yãi, a ó sina Luda pↄfɛ̃a a gãi sika vĩ dↄ yá?

¹⁰Yã ó ĩni kũ Ludaomɛ, akũ o kɛ kãao nna a Nɛ́ gana yãi. Lákũ o kɛ kãao nna nà sà, ó surabana a kunna wɛ̃̀ndiio yãi sika vĩ dↄ yá?

¹¹Adi kɛ adikĩnamɛ adoro, ótɛn pↄnna kɛ kũ Ludao dↄ ó Dikiri Yesu Kirisi kũ à tò o kɛ kãao nna gãi.