ROMUDEENƆ 10:9-19

⁹Tó ń ò kↄ̃n lɛ́o gupuraaa kɛ̀ Yesun Dii ũ bensↄ̃ ń sì n swɛ̃̀n kɛ̀ Luda à bↄ̀ gaan, eé n mì sí.

¹⁰Zaakɛ yã pì sina n swɛ̃̀n bé è tó yã bↄnyo nna bensↄ̃ yã pì ona kↄ̃n n lɛ́o bé è n mì sí.

¹¹À kɛ̃na Luda yãn wà bè, wí é gbɛ̃ kɛ̀ èe à náanɛ kɛɛ kũ zikiro.

¹²Yudanↄ kↄ̃n bori pãndenↄ e bↄ doodo kↄ̃oro, zaakɛ aↄ̃ píngi Dii dↄ̃nkↄ̃mɛ, è kaarana kɛ gbɛ̃ kɛ̀ aↄ̃è à sísinↄnɛ ń píngi.

¹³Zaakɛ Dii sìsirinↄ é bↄ ń píngi.

¹⁴Dian gbɛ̃nↄ é à sísi à náanɛkɛna saii? Dian aↄ̃é à náanɛ kɛ à yãmana saii? Dian aↄ̃é à yã ma waazikɛri saii?

¹⁵Tó wèe waazikɛrinↄ zĩḿmaro, dian aↄ̃é waazi kɛńnɛ nà? À kɛ̃na Luda yãn wà bè: Baarunnakparinↄ mↄna è kɛńnɛ nna fá!

¹⁶Mↄde èe kɛ baade píngi bé à baaru nnaa pì sìro. Ben Isaya bè: Dii, dé bé à wa yã sì?

¹⁷Lɛmɛ ludanaanɛkɛna è bↄ à yãmana kiiamɛ, yã pì sↄ̃ nɛ́ Kirisi yãmɛ.

¹⁸Ma bè yↄ́ↄ! Aↄ̃ↄe manloo? Aↄ̃ↄ mà. Aↄ̃ kòto dà andunala píngi, aↄ̃ yã'ona gàa ai tↄↄtɛ lɛ́zɛkiia.

¹⁹Ma bè yↄ́ↄ! Isarailinↄↄ e dↄ̃roↄ́? Káaku gĩa Musa bè: Mɛ́ tó aↄ̃ nↄ̀sɛgↄ̃aanↄ kpá kↄ̃n borii kɛ̀ aↄ̃ↄ dɛ ma gbɛ̃ ũroonↄo, mɛ́ tó aↄ̃ pↄ fɛ̃ gbɛ̃ntee wɛ́ɛsiadeenↄ yã musu.