Romu 8:5-38

⁵Mopafi zamufga'mofo avesizama nevririzamokizmia, antahintahiza zmimo'a mopafi zama huzankuke nentahize. Avamupima nevaza vahera Avamumofo zankuke nentahize.

⁶Hu'negu ko'ma kumima nehuna tavutava zanku'ma antahizamo'a fri kante tavreno nevie. Hianagi atrenkeno Avamumo antahintahitamia kva huramantena asimu erino rimpa frune manizampina viho.

⁷Hu'negu iza'zo kumimofo avu'ava zampima mani'namo'za Anumzamofona ha' renentaze. E'inahu antahintahine vahe'mo'za Anumzamofo kasege agorga'a nomaniza, Anumzamofo kasegea amagera antegara osu'naze.

⁸E'ina hu'negu kumi avu'avazampima mani'naza vahe'mo'za Anumzamofo avu'avara nosaze.

⁹Hu'neanagi kagrira kumi kavukavazamo'a kava hunogante. Hagi Anumzamofo Avamumo kva hunegante. Tamage huno Anumzamofo Avamu'mo tamagu'afima mani'nenketa, Avamumofo kvafi manigahaze. Antahiho, Kraisi Avamumo zamagu'afima omani'nenimo'za, Kraisi vahera omani'naze.

¹⁰Kumimo amega tamavufga tamahe frigahianagi, Kraisima tamagu'afima maninesnigeta tamasimu erita fatgo vahe manigahaze. Na'ankure Anumzamo tamavrene.

¹¹Hagi Anumzamofo Avamu'mo Jisasi'ma frinefinti' azeri oti'nea Avamu'mo'ma tamagu'afima mni'nesnigeno'a, Kraisima fripinti azeri oti'neaza huno tamagu'afina ana avamu mani'neankino, amega tamavufgamofona asimu amigahie.

¹²E'ina hu'negu knare nenefutane nasarahete, mopafi tavufgamofo avesizana ovriritfa hugahune.

¹³Hu'negu tamagrama kumimofo avesi avariritma manisnuta frigahaze. Hu'neanagi Avamumofo hanaverema kumi tamavutmavazamofo ahefrisuta, tamasimu erita manigahaze.

¹⁴Na'ankure maka veamo'za Anumzamofo Avamuma atrazageno, kama vnazana zmazeri fatgoma nehamo'za, Anumzamofo mofavre mani'naze.

¹⁵Ana hu'negu tamazeri kazokzo eri'za vahe tamanteno tamazeri korohu Avamura tamagra e'orinaze. Hianagi tamagra Anumzamofo mofavre hu Avamu erineta Anumzamofonkura Aba, Nerafa'e nehune!

¹⁶Ruotge Avamumo tagri avamura taza higeta huama huta, tagra Anumzamofo mofavre mani'none nehune.

¹⁷Tagrama Anumzamofo mofavre mni'nesnuta, Anumzamo huhampri rantenea zamofona Kraisi'ene magoka erisinti haregahune, Kraisi'ma hu'neaza huta knazama erisuta, Kraisi'ene magoka rantagi erita manigahune.

¹⁸Nagrama nentahuana, menima e'neruna tatazamofona, henka'ama omerisuna masazamo'a ageteretfaza hugahie.

¹⁹Na'ankure ana miko zama Anumzamo'ma tro'ma huzamante'nea zantmimo'za, henka'ama Anumzamofo mofavremo'zama e'ama'ma hanaza knagura, tusiza hu'za nazupa fore hugahie hu'za aveganentaze.

²⁰E'i anaza tmimo'za zamagra'a zamvesitera mani haviza hu'za mni'neza ome haviza hu'za novaze, hagi Anumzamo hiho hige'za anara nehaze.

²¹Ama knare'zama fore hanige'za kesagu nentahize, havi'zama hu'za negasriza kinafintira kazufe'za Anumzamofo mofavre ramimofo mago'zamo kina re'ozmantege'za amne nemniza avasese kuma'afi ufregahze.

²²Na'ankure hago antahinone, Anumzamo'ma maka tro huzmantenea zamo'za, a'nemo'za mofavre ksentenaku hzageno zmata kria kna zmata negrige'za mni'neza ama knarera enehanatize.

²³E'i ana zantamimoke'za zmata e'norizanki, tagranena Anumzamo kumipinti miza serantenemota, Ruotge Avamumofo ese rga'a kna huneta tagua'fina krigi neruta, tusiza huta Anumzamoma tazeri mofavre'a zama hanigura avega nentone. E'i ana zana kinafi tavufgamo mni'neaza Anumzamo katufesnigeta fru huta mni'snuna zanku avega nentone.

²⁴Ama ana zama fore hanigu nentahunkeno tagura nevazie. Hu'neanagi fore hanigu antahintahi hu'zama fore hanigeno kesiana, e'i fore hanigu antahitahi hu'zana omnene. Hagi koma fore higeno ke'nea zankura iza fore hanigeno kesigura nentahie.

²⁵Hu'neanagi onke'nona zama fore hanigeta kesunku antahintahima nehanuta, agozone huta mni'neta hanavetita avega nentone.

²⁶E'ina hukna kante, Ruotge Avamumo hanavetima omnenea vahe'mota tza nehie. Nazanku nunamuna hugahune, e'i ontahi nonanagi, Ruotge Avamumo Agra'a tagri taza huno nunamu hunerante.

²⁷Hagi Anumzamo'a vahe'mota tagu'a negemo Ruotage Avamumofo antahintahia antahine. Na'ankure Ruotge Avamumo'a Anumzamofo avesiza avririno mono vea kevumofonku nunamu hunezmantie.

²⁸Tagra antahinone, Anumzamo'a Agri'ma aves'nentamokizmi so'eza zamigu maka zamapina erizana enerize. E'ina vahera Anumzamo'a Agri'a avesi avririhogu zamagi hu'ne.

²⁹Hu'negu Anumzamo'a korapa antahineno Nemofo kna hihogu huhamprizamante'ne, hanageno Nemofo'a rama'a mofavre nagapina kota mofavre manigahie.

³⁰Huhamprima nezamanteno'a, Agrite ehogu ke hu'ne, Agra'a fatgo vahere huno hunezmanteno, Agra'a zamazeri antesga huno ra zamagi zami'ne.

³¹Hagi ama ana knare'zama hurantea zankura na'ane huta huga hune? Anumzamo tazama hu'nesigeno'a, iza hara rerantegahie?

³²Anumzamo'a Nemofona aze'orino makamotagu huno tamineakino, hakarezana tamigahie.

³³Anumzamo'ma huhampri zmantenea vahera iza keaga huzmantegahie? Agra e'i Anumzamo fatgo vahere huno hurantene.

³⁴Iza huhaviza hurantegahie? Ko Jisas Kraisi'a tagrikura efrino otino Anumzamofona azantmaga kaziga umani'neno, tagri tagi erino Anumzamofontera nunamuna hunerante.

³⁵Kraisi avesi zampintira nazamo tazeri atregahie? Tusi'a kna zamopi, amuhoma hurante zamopi, tazeri haviza huzamopi, tatamanegria zamopi, kukenagu atupa hanuna zamopi hazenke zamo'a tagripima Jisasi avesizama me'neana eri otregahie.

³⁶Avontafemo'a anage hu'ne, Kagrikure nehu'za maka kna tahe nefrize. Sipsipi afumofo ananke akafriankna nehaze hu'ne. (Sam-Zga 44:22)

³⁷Hakare'zana hurantega hazanagi, agatere hankavetia Kraisi avesirante'nemo manine.

³⁸Nagrama hankave antahintahima nentahuana, frizamo'o, asimu erino manizamo'o, ankeromo'zo, havi avamumozo, meni fore nehza zamozo, henka'a fore hanaza zamozo, mago'a hihamu hankvemozo,